*** أكـــــــــــيــــــد بــــــــــكــــــــره أحـــــــلــــــى ***
اهلا وسهلا ايه النور دا نورتنا والله لوانت من اصحبنا يلا بسرعه اعمل دخول وحشتنا يا عم ايه دا ولو عايز تبقى صاحبنا اعمل تسجيل يلا مش عايز تصاحبنا ولا ايه؟!

حوار فى سنه 2060

اذهب الى الأسفل

حوار فى سنه 2060

مُساهمة من طرف *AMIRA* في الأربعاء يناير 20, 2010 12:54 am

المكان .. أي حتة ف مصر
الزمان يوم من أيام عام 2060م

الحفيدة :

جدو تامر إزيك .. حلو البدي اللي انت لابسه ده .. بس ده موضة قديمة قوي يا جدو

الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا

الحفيدة :أيوه بس مش حاسس إنك مخنوقوانت لابسه؟

الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدياللي مبين البطن والظهر مع البنطلون السترتش الجلد والجوانتي الجلد كانت حاجة آخر روشنة
الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو ديما يعلم بيها إلا ربنا .. فين أيام سنة 2000 م، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق

الحفيدة : معقول يا جدو؟ للدرجة دي!!؟؟

الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولهاعن شبر ونص .. وكانوا الستاتيلبسوا فوقيها بلوزة باستمرار مش زي دلوقتي

الحفيدة : يا خبر .. وإيه كمان ياجدو

الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن
الحفيدة : وبعدين

الجد : وبعدين كنا نسمع على حاجة اسمها اسطوانات ليزر ، ودي صحيح تعتبر متأخرة دلوقتي بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة

الحفيدة : حكاويك ممتعة قوييا جدو .. ثانية واحدة بس لما أصحي سوسو صاحبي لأنه بايت معايا في الأودة من امبارح .. (بعد عدةى دقائق) هيه يا جدو .. وبعدين

الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليونمش أكثر ، تخيلي بقى الروقان اللي كنا فيه؟

الحفيدة : 70 مليون بس؟

الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه ، وكان أتخن جوز جزمة ب 250 جنيه ، وكان الواحد يقدر يشتريشقة تمليك بـ 150 الف جنيه بس .. وكان الدولار بخمسة جنيه بس تخيلي بقى؟

الحفيدة : ما هوعلشان كده كان الجواز على أيامكم كان سهل خالص

الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندناالأفكار الغريبة اللي بتعملوها دلوقتي زي إن البنت تعاشر الولد كام شهر قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها

الحفيدة : ده انتوا كنتوا متزمتين خالص ياجدو

الجد : يا بنتي إحنا اتربيناعلى الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقيجاره في الأسانسير يروح مصبح عليه ، ومش بعيد كان يسأله عن أحواله .. وكانوا أهل الفن محتشمين جداً وكانوا دايماً يطلعوا بالكومبليزون والمايوهات البيكيني ، وكان لا يمكن التلفزيون يذيع أفلام جنسية في السهرة زي دلوقتي ، والمذيعات كانوا يقعدوا جنب الضيف مش على ركبته زي .. هيـ يـ يـ يـ ـه الله يرحم دي أيام

الحفيدة : رايح فين يا جدو

الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ .. تشاو .. سي يو
avatar
*AMIRA*
Admin
Admin




انثى
عدد المساهمات : 287
تاريخ التسجيل : 15/01/2010
العمر : 27

معاينة صفحة البيانات الشخصي للعضو http://bokraa7lla.ahlamuntada.com

الرجوع الى أعلى الصفحة اذهب الى الأسفل

رد

مُساهمة من طرف sasa_neno في الأربعاء يناير 20, 2010 1:36 am



هههههههههههههههههههههههههههههههههه

والله دي اللي ناقص يحصل في السنين اللي جايه د مش 2060 لا مش بعيد في 2020

[ندعوك للتسجيل في المنتدى أو التعريف بنفسك لمعاينة هذه الصورة]
avatar
sasa_neno
مشرف عام
مشرف عام




ذكر
عدد المساهمات : 550
تاريخ التسجيل : 18/01/2010
العمر : 27
الموقع : في أي حتــه تلاقيـــني

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حوار فى سنه 2060

مُساهمة من طرف nor في الأربعاء يناير 20, 2010 3:35 am

تحفه بجد تسلم ايدك وفعلا الزمن كل ماده ماهيبقه اسواء واكيد دا قريب مش فى 2060

nor

عدد المساهمات : 7
تاريخ التسجيل : 18/01/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حوار فى سنه 2060

مُساهمة من طرف *AMIRA* في الخميس يناير 21, 2010 11:35 am

[ندعوك للتسجيل في المنتدى أو التعريف بنفسك لمعاينة هذا الرابط]
avatar
*AMIRA*
Admin
Admin




انثى
عدد المساهمات : 287
تاريخ التسجيل : 15/01/2010
العمر : 27

معاينة صفحة البيانات الشخصي للعضو http://bokraa7lla.ahlamuntada.com

الرجوع الى أعلى الصفحة اذهب الى الأسفل

رد: حوار فى سنه 2060

مُساهمة من طرف keta في الخميس يناير 21, 2010 2:10 pm

ههههههههههههههههههههههههههههههه

تسلمى يا ميرو

انا مش متشائم قوى كده بالنسبه للاخلاق احنا جوانا مبدء

بس الباقى اكيد اكتر من ك
ده
avatar
keta
عضو فعال
عضو فعال




ذكر
عدد المساهمات : 133
تاريخ التسجيل : 19/01/2010
العمر : 32
الموقع : ام الدنيا وحببتى وبلدى مصر

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى